Sürətli gəzinti ilə artıq kilolara əlvida!

Sürətli gəzinti ilə artıq kilolara əlvida!

Pul xərcləmədən, idman zalına getmədən və əziyyət çəkmədən artıq kilolardan azad olmaq və sağlam olmaq istəyən hər kəs sürətli gəzişi sınaqdan keçirməlidir.

Sürətli gəzintiyə başlamadan əvvəl bunlar bilmək lazımdır:  


1. Sürətli gəzmə xüsusi tempdə olmalıdır. Aşağı sürətlə başlayıb, tədricən sürəti artırmaq və sonra sürəti yenidən azaltmaq lazımdır. Məsələn, 40 dəqiqə yerimək üçün, ilk 5 dəqiqə aşağı sürətlə, 30 dəqiqə yüksək sürətlə və son 5 dəqiqə yenidən aşağı sürətlə olmalıdır;

2. Xüsusilə artıq çəkidən qurtulmaq istəyənlər həftənin ən azı 4-5günü (bir gün dincəlmək vacibdir) gündə ən azı 40 dəqiqə olmaqla gəzməlidirlər;

3. Gəzməyə boş mədə və ya çox yüngül yedikdən yarım saat sonra çıxmaq lazımdır;

4. Rutin yeriməyə bədən zamanla öyrəşir və reaksiya vermir. Ona görə də gəzintinin müddətini və sürətini artırıb-azaltmaq lazımdır; 


5. Yüngül paltar və rahat idman ayaqqabısı geyinin; 


6. Yeriyərkən beli düz tutmaq vacibdir. Çox böyük addımlar atmaq lazım deyil. Gəzərkən qollar və ayaqlar bir-birinə əks  
istiqamətdə hərəkət etməli, qarın əzələləri içəri salınmalıdır;  


7. Ürək-damar və arterial təzyiq problemləriniz varsa, aşağı sürətlə gəzin;

8. Hansı idman növü ilə məşğul olmağınızdan asılı olmayaraq  başlanğıcda isinmə və sonda dartınma hərəkətlərini etməyi unutmayın. Beləliklə, əzələ qıcolması və ağrıların qarşısını almış olacaqsınız.

Diqqət:  


• Şəkərli diabet, yüksək təzyiq və digər xroniki xəstəliklərdən əziyyət çəkənlər həkim nəzarətində olmalıdırlar;
• Çox isti havada gəzmək olmaz;
• Ağır yeməkdən sonra sürətli yerimək olmaz;
• Arıqlamaq üçün yeriyərkən bədəni sarımaq olmaz;
• Gəzişdən əvvəl və sonra su içmək lazımdır. 

 

 Hər birinizə faydalı gəzinti arzusu ilə :) 

Arzu Nəcəfova

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top